Në mëngjesin e ditës së martë, kryeministri i Kosovës, Albin Kurti, mori pjesë në ceremoninë e nënshkrimit të marrëveshjes ndërmjet Radio Televizionit të Kosovës, Ambasadës Italiane në Kosovë dhe Institutit Italian të Kulturës së Tiranës.
Zbatimi i saj sjellë kinematografinë italiane, filma dhe seriale të prodhuara nga RAI, në vendin tonë përmes transmetuesit publik, RTK, përcjell Arbresh.info
Këtë marrëveshje, Kurti e cilësoi shumë të vlefshme dhe të rëndësishme për Radio Televizionin e Kosovës dhe qytetarët e Republikës sonë.
“Sot është një ditë e veçantë, pra për RTK-në, dhe unë si Kryeministër i Republikës së Kosovës jam këtu që të shpreh mbështetjen time, por njëkohësisht edhe mirënjohjen time për këtë të arritur e cila do të reflektojë në produksionet më të reja italiane të jenë të qasshme për publikun tonë”, u shpreh ai.
Njëkohësisht, kjo e arritur sipas kryeministrit riafirmon edhe një herë bashkëpunimin kulturor e strategjik ndërmjet Republikës së Kosovës dhe Republikës së Italisë.
Ambasadori Italian në Kosovë, Antonello De Riu po ashtu e vlerësoi lartë këtë marrëveshje duke e quajtur atë si projekt të rëndësisë strategjike, përmes së cilit publiku i Kosovës do të njihet më shumë me gjuhën dhe kulturën italiane.
“Sipas kësaj marrëveshje, dy seriale, katër filma dhe gjashtë dokumentarë të prodhuar nga Radiotelevizioni italian do të transmetohen vitin e ardhshëm në Radio Televizionin e Kosovës, RTK1 dhe RTK2, në gjuhën origjinale dhe me përkthim dhe titra në shqip dhe serbisht”, thuhet në njoftimin për media./Arbresh.info
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...